REGİONLAR


Yevlaxda şəhid övladları üçün bayram tədbiri keçirilib

Yevlax, 1 iyun, AZƏRTAC

1 İyun - Uşaqların Beynəlxalq Müdafiəsi Günü münasibətilə Yevlax Şəhər İcra Hakimiyyəti tərəfindən şəhid övladları üçün mövcud pandemiya qaydalarına uyğun bayram tədbiri keçirilib.

AZƏRTAC-ın bölgə müxbiri xəbər verir ki, Yevlax Şəhər İcra Hakimiyyətinin başçısının müavini Elnarə Əzizova uşaqları bayram münasibətilə təbrik edib, onlara firavan gələcək və şən həyat arzulayıb. Şəhər Mədəniyyət evinin kollektivi tərəfindən uşaqlar üçün kukla tamaşası nümayiş etdirilib. Şən klounların çıxışı uşaqlara sevincli anlar bəxş edib. Sonda şəhid övladlarına Yevlax Şəhər İcra Hakimiyyəti tərəfindən hədiyyələr təqdim edilib.

Uşaqların valideynləri təşkil olunan bayram şənliyinə, onlara göstərilən diqqət və qayğıya görə ölkə rəhbərliyinə təşəkkürlərini bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.