CƏMİYYƏT


Yolkənarı yaşıllıq sahəsində 196 ağacın yanması faktı aşkarlanıb

Bakı, 22 sentyabr, AZƏRTAC 

Beyləqan rayonunun Dünyamalılar kəndi ərazisində avtomobil yolunun kənarındakı yaşıllıq sahəsində ağacların yanması ilə bağlı daxil olan müraciəti 9 saylı Regional Ekologiya və Təbii Sərvətlər İdarəsinin əməkdaşları araşdırıblar.

Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, əraziyə keçirilən baxış zamanı yolkənarı yaşıllıq sahəsində yaşköküstə müxtəlifcinsli və diametrli 196 ağacın yandığı məlum olub. Faktla bağlı akt tərtib edilib və təbiətə 39200 manat məbləğində ziyan dəydiyi müəyyənləşib.

Təqsirkarların tapılması və barələrində qanunauyğun tədbirlərin görülməsi üçün toplanmış sənədlər Beyləqan Rayon Polis Şöbəsinə göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.