DÜNYA


Yonhap: KXDR daha bir ballistik raket buraxıb

Pekin, 11 yanvar, AZƏRTAC

Koreya Xalq Demokratik Respublikası (KXDR) yanvarın 11-də yerüstü qurğudan Şərq (yapon) dənizi istiqamətində naməlum raket buraxıb.

AZƏRTAC xəbər verir ki, bu barədə Yonhap agentliyi Cənubi Koreyanın Qərargah Rəisləri Komitəsinə istinadla məlumat yayıb. Güman olunur ki, yerli vaxtla saat 7:27-də buraxılan raket ballistikdir. Qərargah Rəisləri Komitəsi hazırda ABŞ-ın müvafiq qurumları ilə məsələnin detallarını araşdırır.

Bu, cari ildə KXDR-in 2-ci raket sınağıdır. Pxenyan yanvarın 5-də hipersəsli ballistik raket sınağını uğurla həyata keçirdiyini açıqlayıb. Raketin 700 kilometr məsafədəki şərti hədəfi məhv etdiyini bildirsə də, raketin sürəti barədə məlumat verməyib.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.