DÜNYA


Yoşihide Suqa: Şinzo Abenin və Həsən Ruhaninin görüşü xüsusi əhəmiyyətə malikdir

Tokio, 13 iyun, AZƏRTAC

Yaponiya Nazirlər Kabinetinin baş katibi Yoşihide Suqa bildirib ki, Baş Nazir Şinzo Abenin İran Prezidenti Həsən Ruhani ilə iyunun 12-də keçirdiyi görüş xüsusi əhəmiyyətə malikdir.

AZƏRTAC xəbər verir ki, Y.Suqa iyunun 13-də jurnalistlərə verdiyi məlumatda Ş.Abenin İranı regionda gərginliyi azaltmaq üçün addımlar atmağa çağırdığını bildirib.

Baş katib deyib ki, Ş.Abe Yaponiyanın nüvə razılaşmasını davamlı şəkildə dəstəklədiyini bildirərək, İranın bu razılaşmaya əməl edəcəyinə ümidvar olduğunu qeyd edib.

Y.Suqa Ş.Abe ilə İranın Ali rəhbəri Ayətullah Əli Xameneinin qarşıdakı görüşü zamanı da açıq fikir mübadiləsinin davam edəcəyinə ümid etdiyini deyib. “Lakin görüşün nəticəsini qabaqcadan demək qeyri-mümkündür”, - deyə o əlavə edib.

Baş katib, həmçinin qeyd edib ki, Ş.Abenin səfərinin məqsədi heç də İran ilə ABŞ arasında vasitəçi rolunu oynamaqdan ibarət deyil.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.