MƏDƏNİYYƏT


YouTube kanalında ən çox baxılan mahnılar açıqlanıb

Bakı, 23 iyul, AZƏRTAC

Əfsanəvi “Queen” rok-qrupunun “Bohemian Rhapsody” mahnısı YouTube kanalında köhnə kliplər arasında rekord vurub. AZƏRTAC BBC telekanalının saytına istinadla xəbər verir ki, mahnıya çəkilmiş video-klipi 1990-cı illərədək bəstələnən mahnılar arasında ilk dəfə 1 milyarddan çox tamaşaçı izləyib. Bunu qeyd etmək üçün həmin videonun HD versiyası “YouTube Music, Universal Music Group & Hollywood Records” şirkətinin əməkdaşlığı ilə YouTube platformasına yüklənib. Köhnə mahnılar arasında “Queen” qrupundan sonra ikinci yeri 965 milyon baxış sayı ilə “Guns N' Roses” ansamblının “Sweet Child O' Mine” mahnısı tutur.

YouTube kanalında yeni mahnıları arasında ən çox baxılan isə Luis Fonsi və Daddy Yankinin 2017-ci ildə təqdim etdikləri “Despacito” mahnısıdır. Bu video-klipə rekord sayda – 6,3 milyard baxış olub. İngilis musiqiçisi Ed Şeranın “Shape of You” mahnısı isə 4,3 milyard baxış sayı ilə ikinci yerdə gəlir. Sonrakı yerləri Castin Biberin “Sorry” və “Baby Shark Dance” mahnıları tuturlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.