İQTİSADİYYAT


Yüksək Texnologiyalar Parkı ilə “BP Azerbaijan”ın əməkdaşlığına dair müzakirələr aparılıb

Bakı, 23 may, AZƏRTAC

Mayın 23-də “BP Azerbaijan” şirkətinin nümayəndələri ilə Yüksək Texnologiyalar Parkında (YT Park) növbəti görüş keçirilib.

YT Park-dan AZƏRTAC-a bildirilib ki, parkın direktoru Tural Kərimli “BP Azerbaijan” şirkətinin kommersiya departamentinin nümayəndələri Əli Talıbov və Səidə Məmmədovanı İnnovasiyalar Agentliyinin fəaliyyəti və texnoloji sahədə son görülmüş işlər barədə məlumat verib.

Görüş çərçivəsində “COMmercialize startUP – ComUP” proqramına əsasən, müxtəlif sahələrdə fəaliyyət göstərən Azərbaycan startaplarının innovativ xidmətlərini kommersiyalaşdırmaq, onların dövlət qurumları, transmilli və beynəlxalq şirkətlərlə işgüzar tərəfdaşlıq qurması məqsədilə “BP Azerbaijan”ın nümayəndələrinə İnnovasiyalar Agentliyinin Biznes İnkubasiya və Akselerasiya Mərkəzinin aidiyyəti startap layihələrinin təqdimatları nümayiş olunub.

Həmçinin görüşdə Yüksək Texnologiyalar Parkı ilə “BP Azerbaijan” şirkəti arasında əməkdaşlığa dair müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.