CƏMİYYƏT


Yüksək kalorili qidalar qəbul etmək və hərəkətsizlik piylənmənin əsas səbəblərindən biridir

Bakı, 15 avqust, AZƏRTAC

Piylənmə müasir dövrün ən aktual problemlərindən biridir. Kişilərlə müqayisədə qadınlar piylənmə probleminə 2 dəfə artıq məruz qalır. Artıq çəkinin yarandığı kritik dövr 30-60 yaş arasıdır. Ümumdünya Səhiyyə Təşkilatının (ÜST) beynəlxalq ekspertlərinin fikrincə piylənmə peşə, sosial, milli, cinsi və yaş qrupundan asılı olmayaraq, planetimizin milyonlarla əhalisini əhatə edən qlobal problemdir.

AZƏRTAC Səhiyyə Nazirliyinin rəsmi feysbuk səhifəsinə istinadla bildirir ki, artıq çəkili insanlar normal bədən kütləsinə malik şəxslərə nisbətən hipertoniyadan, stenokardiya və ürəyin işemik xəstəliyindən daha çox əziyyət çəkirlər. Belə pasiyentlərdə ciddi fəsadların yaranması riski yüksəkdir.

Piylənmə əksər hallarda orqanizmə qida vasitəsilə daxil olan enerji ilə onun sərfi arasındakı balanssızlıq nəticəsində yaranır. Bədəndəki artıq kalori piyə çevrilərək, depo şəklində dərialtı qat, piylik, qarın divarı və daxili orqanlarda toplanır. Bu xəstəliyin 90 faizi qida qəbulu, 5 faizi isə metabolik problemlər ilə bağlı olur. Piylənmənin əsas səbəblərindən biri də normadan artıq yüksək kalorili qidalar qəbul etmək və hərəkətsizlikdir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.