İDMAN


Yunan-Roma güləşçilərimiz “Təxti kuboku”nda çıxış edəcəklər

Bakı, 22 yanvar, AZƏRTAC

Güləşçilərimiz 2019-cu ildə beynəlxalq yarışlara start verir.

Azərbaycan Güləş Federasiyasından AZƏRTAC-a bildiriblər ki, pəhləvanlarımız üçün ilk belə turnir yanvarın 24-25-də Tehranda keçiriləcək yunan-Roma güləşi üzrə “Təxti kuboku” olacaq.

Ənənəvi yarışda ölkəmizi yığmamızın böyük məşqçisi Rövşən Bayramov və məşqçi Emin Əhmədovun rəhbərliyi altında Ziyad Zeynalov (55 kq), Murad Bazarov, Mikayıl Rəhimov (hər ikisi 60 kq), Zaur Nuriyev (63 kq), Kərim Cəfərov (67 kq), Azad Əliyev (72 kq), Nəsir Həsənov (77 kq), Elməddin Ramazanov, Eltun Vəzirzadə (hər ikisi 82 kq) və Arif Niftullayev (97 kq) təmsil edəcəklər.

Qeyd edək ki, III dərəcəli beynəlxalq hakimimiz Elgün Məmmədov turnirdə ədaləti qoruyacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.