İDMAN


Yunan-Roma güləşçilərimiz U-20 Avropa çempionatında son 6 ilin ən yaxşı nəticəsinə imza atıblar

Bakı, 29 iyun, AZƏRTAC

İtaliyanın paytaxtı Romada keçirilən U-20 Avropa çempionatında yunan-Roma güləşi üzrə mübarizə başa çatıb.

AZƏRTAC xəbər verir ki, böyük məşqçi Nurəddin Rəcəbov, məşqçilər Emin Əhmədov və Turac Hüseynlinin rəhbərliyi altında 9 güləşçi ilə qitə birinciliyinə qatılan komandanın 5 üzvü fəxri kürsüyə qalxıb. Nihad Quluzadə (55 kq) və Laçın Vəliyev (87 kq) bütün rəqiblərinə qalib gələrək Avropa çempionu olublar. Qurban Qurbanov (72 kq) ikinci, Nihat Məmmədli (60 kq) ilə Kənan Abdullazadə (67 kq) isə üçüncü yeri tutublar.

Beləliklə, yığma komandamız Avropa çempionatında 2 qızıl, 1 gümüş və 2 bürünc medala sahib olub. Azərbaycan 102 xalla komanda hesabında 4-cü yeri tutub. Gürcüstan (141) birinci, Türkiyə (118) ikinci, Ukrayna (103) isə üçüncü pillədə qərarlaşıb.

Qeyd edək ki, cari qitə birinciliyi də güləşimiz üçün rekord nəticəylə başlayıb. Belə ki, ilk dəfə bu yaş qrupu üzrə Avropa çempionatında yunan-Roma güləşində komandamız 102 xal toplayıb. Bunadək güləşin bu növündə ən yüksək xal göstəricimiz 99 xal (Dortmund-2021) idi. Bundan əlavə, həm medalların sayına, həm də əyarına görə son 6 ilin ən yaxşı nəticəsi gerçəkləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.