İDMAN


Yunan-Roma güləşçilərimiz dünya Olimpiya təsnifat turnirinə hazırlığı davam etdirirlər

Bakı, 30 aprel, AZƏRTAC

Yunan-Roma güləşi üzrə millimiz dünya Olimpiya təsnifat turnirinə hazırlığı davam etdirir.

AZƏRTAC Azərbaycan Güləş Federasiyasına istinadla xəbər verir ki, aprelin ilk yarısında Göygöldə fiziki hazırlıq üzrə təlim-məşq toplanışı keçən yığmamız ayın ikinci yarısında Bakıda taktiki-texniki çalışmalara üstünlük verib.

Mayın 6-dan 9-dək Bolqarıstanın paytaxtı Sofiyada keçiriləcək sonuncu lisenziya yarışına hazırlıq xarakteri daşıyan məşqlər baş məşqçi Aleksandr Tarakanov, böyük məşqçi Rövşən Bayramov və məşqçilər Akif Əliyevlə Həsən Əliyevin rəhbərliyi altında keçirilir.

Qeyd edək ki, komandamız mayın 6-da Bolqarıstana yollanacaq. Güləşin bu növü üzrə mübarizə mayın 8-9-da baş tutacaq. Millimiz dünya Olimpiya təsnifat turnirində 60, 67, 77, 97 və 130 kiloqram çəki dərəcələrində Olimpiadaya lisenziya qazanmağa çalışacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.