DÜNYA


Yunanıstanda yanğın nəticəsində qaçqın düşərgəsi təxliyə olunub

Afina, 9 sentyabr, AZƏRTAC

Yunanıstanın Lesbos adasında baş vermiş yanğın nəticəsində Moria qaçqınlar düşərgəsi məhv edilib, burada yaşayan 12 min 500 nəfər qaçqın təxliyə edilib. AZƏRTAC Yunanıstanın ERT televiziya kanalına istinadla xəbər verir ki, ilkin məlumata görə düşərgə daxilində 35 nəfərin koronavirusa yoluxub təcrid edilməsi etirazlara səbəb olub. Qaçqınların bəziləri qaçaraq düşərgəni tərk etməyə cəhd ediblər. Məhz bütün bu hadisələrdən sonra yanğın başlayıb. Hazırda Lesbos adasında fövqəladə vəziyyət elan edilib, qaçqınlara adanı tərk etməyə icazə verilmir. Yunanıstan hökuməti Lesbos adasında baş verənlərlə bağlı iclas keçirir.

İqbal Hacıyev

AZƏRTAC-ın xüsusi müxbiri

Afina

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.