DÜNYA


Yunanıstanla Makedoniya arasında birbaşa aviareyslər bərpa edilir

Afina, 1 noyabr, AZƏRTAC

Yunanıstanla Makedoniya arasında 15 il əvvəl dayandırılmış birbaşa hava uçuşları bərpa edilib.

AZƏRTAC xəbər verir ki, bu gündən etibarən Afinadan Skopyeyə “Aegean Airlines” şirkətinin birbaşa hava uçuşları başlayacaq. Yunanıstan xarici işlər nazirinin birinci müavini Yorqos Katrunqalosun jurnalistlərə bildirib ki, uçuşların bərpası iki ölkə arasında etimadın artımı və münasibətlərin yaxşılaşdırılması istiqamətində mühüm addımdır. Xüsusilə turizm, ticarət və biznes sahələrində inkişaf üçün təkandır.

Qeyd edək ki, iki ölkə arasında birbaşa aviareyslər 2003-cü ildən dayandırılmışdı. 2006-cı ildə Skopye aeroportuna Makedoniyalı İsgəndərin adının verilməsi diplomatik münaqişəyə səbəb olmuşdu. Bu ilin fevralında isə Makedoniya hökuməti aeroportun adını dəyişdirib. Rəsmi Afina tərəfindən yüksək qiymətləndirilən bu addım, Makedoniyanın adının dəyişdirilməsi istiqamətində danışıqlara da müsbət təsir göstərib.

İqbal Hacıyev

AZƏRTAC-ın xüsusi müxbiri

Afina

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.