ELM VƏ TƏHSİL


Yunus Əmrə İnstitutu Mərkəzi Elmi Kitabxana ilə əməkdaşlığa başlayır

Bakı, 21 noyabr, AZƏRTAC

Yunus Əmrə İnstitutu Bakı Türk Mədəniyyət Mərkəzinin müdiri Cihan Özdemir Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) olub.

MEK-dən AZƏRTAC-a bildiriblər ki, qonaq kitabxananın sərgi salonu, diplomatik, nadir kitab fondları və digər bölmələrinin fəaliyyəti ilə tanış olub.

Kitabxana ilə tanışlıqdan məmnunluğunu bildirən C.Özdemir Yunus Əmrə İnstitutunun Bakıdakı fəaliyyətindən bəhs edib və gələcəkdə MEK ilə birgə müxtəlif tədbir, sərgi və beynəlxalq konfransların keçirilməsinin mümkünlüyünü söyləyib.

MEK-in direktoru Leyla İmanova kitabxananın tarixi, fəaliyyəti, görülən işlər, reallaşdırılan layihə və tədbirlər, aksiyalar barədə məlumat verib. O, C.Özdemirin Azərbaycan Xalq Cümhuriyyəti ilə bağlı sənədlərin xüsusi incəsənət növü hesab edilən miniatürlər kolleksiyasının MEK-də sərgisinin keçirilməsi təklifini yüksək qiymətləndirib, Azərbaycan və Türkiyə mədəniyyətlərinin təbliğinə xidmət edən tədbirlərin təşkil olunmasına kitabxananın dəstək verəcəyini bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.