ELM VƏ TƏHSİL


Yupiterin əvvəllər görünməmiş fotoları nümayiş olunub

Bakı, 19 avqust, AZƏRTAC

ABŞ Milli Aeronavtika və Kosmik Fəzanı Tədqiq Agentliyi (NASA) Yupiter planetinin orbitindəki missiyasını davam etdirir. Belə ki, qurum “Juno” kosmos vasitəsinin çəkdiyi yüzlərlə foto ilə nəhəng planetin əvvəllər görünməmiş mənzərələrini nümayiş etdirib.

AZƏRTAC xarici KİV-lərə istinadla xəbər verir ki, bu ilin iyulunda Yupiterin orbitinə daxil olan “Juno”nun əsas missiyalarından biri də “böyük qırmızı ləkə” adlı fırtınanın sirrini açmaqdır. Yupiterin doqquz min kilometr üzərindən uçan “Juno” hazırda bu istiqamətdə səylərini artırır. Şiddətlə əsən qazlı “böyük qırmızı ləkə” 1830-cu ildən bugünədək insanlar tərəfindən izlənilir. Son zamanlar bu fırtınanın azalması müşahidə edilir.

Yupiterin ekvatorundan cənubda yerləşən “böyük qırmızı ləkə”nin eni 16 min 350 kilometr olub, Yerdən 1,3 dəfə genişdir. “Juno”nun Yupiterə növbəti yaxınlaşması sentyabrın 1–də baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.