DÜNYA


Yuri Uşakov: Rusiya üçün Böyük Avropaya inteqrasiya imkanı yaradılmadı

Yuri Uşakov: Rusiya üçün Böyük Avropaya inteqrasiya imkanı yaradılmadı

Moskva, 6 dekabr, AZƏRTAC

Rusiya Böyük Avropanın bir hissəsi ola bilmədi.

AZƏRTAC xəbər verir ki, bu fikri Rusiya Prezidentinin köməkçisi Yuri Uşakov Moskvada keçirilən “Primakov qiraətləri” Elmi Ekspert Forumunda söyləyib.

O bildirib ki, SSRİ-nin dağılmasından 30 il keçsə də Rusiya Böyük Avropaya inteqrasiya edə, ümumavropa evində “mənzil” ala bilməyib. Y.Uşakovun sözlərinə görə, Rusiya üçün bu imkan yaradılmayıb və indi Rusiya Federasiyası özü də belə illüziyalardan uzaqlaşır.

Prezidentin köməkçisi qeyd edib ki, əvvəllər Rusiya avropalılarla birlikdə Şarl de Qolun Lissabondan Vladivostokadək ümumi məkan qurmaq ideyasının mümkünlüyünə inanırdı. Ancaq indi məlum oldu ki, bu layihə baş tutmadı. Onun fikrincə, hətta Avropa İttifaqı və ABŞ da həmin ideyadan əl çəkib.

 
Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.