Regionların sosial-iqtisadi inkişafı Dövlət Proqramına uyğun olaraq Zərdabda yeni istehsal müəssisələrinin yaradılması, xidmət obyektlərinin açılması hesabına əhalinin məşğulluğunun təmin olunması istiqamətində ardıcıl iş aparılır. Rayon İcra hakimiyyəti başçısının sosial-iqtisadi məsələlər üzrə müavini Nağı Abdullayev AZƏRTAC-ın müxbirinə bildirmişdir ki, kərpic zavodunun, beton istehsalı müəssisəsinin, onlarca xidmət obyektinin açılması xeyli sakinin məşğulluğuna səbəb olmuşdur. Cari ilin 6 ayı ərzində rayonda 494 nəfər üçün iş yeri açılmışdır.