ZİREHLİ FUTBOLKALAR BURAXILACAQ

Tezliklə adi futbolkalar əsgərlər və hüquq-mühafizə orqanları əməkdaşları üçün zirehli jiletlərə çevrilə bilər. Cənubi Karolina Universitetinin əməkdaşları Çin və İsveçrədən olan həmkarları ilə birlikdə futbolkanın tikildiyi parçanı planetdə mövcud olan bərkliyinə görə ikinci material – borla birləşdirmişlər. Nəticədə bor karbidi ilə möhkəmləndirilmiş yüngül futbolkalar əldə edilmişdir.

Tədqiqatçılar əvvəlcə adi ağ futbolkaları zolaq-zolaq kəsmiş və bor qarışığına salmışlar. Sonra bu zolaqlar sobada qızdırılmışdır. İstinin təsiri altında pambıq liflər oksigen liflərinə çevrilmişdir. Nətəcədə yüngül, eyni zamanda, möhkəm parça əmələ gəlmişdir.