REGİONLAR


Zaqatalada 11 min hektar sahədə payızlıqların səpini proqnozlaşdırılır

Zaqatala, 11 sentyabr, Mustafa Dadaşov, AZƏRTAC

Payızlıq dənlilərin səpini üçün indiyədək Zaqatala rayonunun təsərrüfatlarında 4,5 min hektar sahədə şum qaldırılıb. Cari mövsümdə rayonda payızlıq taxıl əkini sahələrinin 11 min hektar olacağı proqnozlaşdırılır.

Bu barədə AZƏRTAC-ın bölgə müxbirinə Zaqatala Dövlət Aqrar İnkişaf Mərkəzinin bitkiçilik sektorunun müdiri Vaqif Şabanov məlumat verib.

Qurum rəsmisi bildirib ki, payızlıqların səpini üçün rayonda fəaliyyət göstərən toxumçuluq təsərrüfatları tərəfindən 952 ton yüksək reproduksiyalı toxum fondu yaradılıb. Ayrılmış buğda və arpa toxumu təmizlənərək dərmanlanıb və səpinə hazır vəziyyətə gətirilib. Eyni zamanda, fermerlər səpin üçün lazım olan yerli və xaricdə istehsal edilmiş toxumları Kənd Təsərrüfatı Nazirliyinin tabeliyindəki Dövlət Toxum Fondunun bu yaxınlarda Zaqatalada açdığı “ToxumArt” əmtəə nişanı altında fəaliyyət göstərən mağazadan da ala biləcəklər.

Sektor müdiri bildirib ki, səpində iştirak edəcək traktor və toxumsəpən aqreqatlar təmir olunaraq saz vəziyyətə gətirilib. Payızlıqların səpininə sentyabrın 20-dən sonra başlamaq nəzərdə tutulur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.