REGİONLAR


Zaqatalalı müəllim: Azərbaycan Ordusunun zəfər yürüşü bizi ruhlandırır, Qələbəyə inamımızı artırır

Zaqatala, 30 sentyabr, Mustafa Dadaşov, AZƏRTAC

Ermənistan silahlı qüvvələrinin təxribatları nəticəsində son günlər qoşunların təmas xəttində yaranan gərginlik, bu təxribatların qarşısının alınması məqsədilə silahlı qüvvələrimizin komandanlığı tərəfindən həyata keçirilən cavab tədbirləri, Azərbaycan Ordusunun zəfər yürüşü, uğurlu hərbi əməliyyatlar ölkə vətəndaşları tərəfindən böyük ruh yüksəkliyi ilə qarşılanır.

Zaqatala sakini, Əməkdar müəllim, əsgər anası Elmira Hacıyeva AZƏRTAC-ın bölgə müxbirinə açıqlamasında bildirib ki, Azərbaycan Ordusunun döyüş ruhunun olduqca yüksək olması, düşmənə tutarlı cavab verməsi Qələbə gününün uzaqda olmamasına böyük inam yaradır. Rayon ziyalısı deyib: “Torpaqlarımız 30 ildir ki, işğal altındadır. Cəbhə bölgəsindən gələn qələbə xəbərlərini sevinclə izləyirik. Şanlı əsgərlərimiz torpaqlarımıza soxulan erməni qaniçənlərinə sarsıdıcı zərbələr endirirlər. Ordumuzun mətinliyi, qəhrəman əsgərlərimizin vətənpərvərliyi bizi qürurlandırır. Sevinirik ki, şəhidlərimizin qanı yerdə qalmır və qalmayacaq”.

Qarabağ, Vətən sevgisinin 30 ildir ki, xalqımızın qəlbində bir məşələ çevrildiyini vurğulayan Elmira Hacıyeva hərbiçilərimizə müraciət edib: “Qəhrəman oğullarımız, gözünüz arxada qalmasın. Başda Ali Baş Komandan olmaqla, hamımız bir nəfər kimi sizin yanınızdayıq. İrəli, Azərbaycan əsgəri! Bu Vətən bizimdir. Sizdən yalnız Qələbə gözləyirik. Qoy uca Tanrı sizləri qorusun!”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.