DÜNYA


Zelenski ilə Merkel təbii qazın Ukraynadan Avropaya nəqli məsələsini müzakirə ediblər

Kiyev, 15 yanvar, AZƏRTAC

Yanvarın 15-də Ukrayna Prezidenti Vladimir Zelenski və Almaniyanın Kansleri Angela Merkel arasında telefon danışığı olub.

AZƏRTAC Ukrayna Prezidentinin mətbuat xidmətinə istinadla xəbər verir ki, telefon danışığı zamanı təbii qazın Ukraynadan Avropaya nəqlinə dair razılaşma müzakirə edilib.

Vladimir Zelenski əldə olunan güzəştlərdən və yeni müqavilənin bağlamasından məmnunluğunu bildirib, vasitəçiliyə görə Almaniyaya təşəkkürünü bildirib.

Angela Merkel qeyd edib ki, növbəti vəzifə rəqabət qabiliyyətini artırmaq üçün Ukraynanın qaz nəqli sisteminə qoyulan sərmayənin artırılmasını təmin etməkdir.

Xatırladaq ki, Ukrayna, Rusiya və Avropa İttifaqı 5 il müddətinə, 10 il uzadılma imkanı ilə yeni qaz müqaviləsi imzalayıb.

Müqaviləyə əsasən birinci ildə minimum 65 milyard kubmetr, növbəti 4 il ərzində isə 40 milyard kubmetr qazın vurulması nəzərdə tutulur.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.