CƏMİYYƏT


“Zəngin hövzələr” layihəsi çərçivəsində Mingəçevir su anbarına balıq körpələri buraxılıb

Bakı, 22 oktyabr, AZƏRTAC

IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə Azərbaycanın daxili su hövzələrinin bioresurslarının mühafizəsi və bərpasına yönəlmiş “Zəngin hövzələr” layihəsi çərçivəsində oktyabrın 22-də çəkikimi balıq körpələrinin suya buraxılması mərasimi keçirilib.

AZƏRTAC xəbər verir ki, Mingəçevir Şəhər İcra Hakimiyyətinin, Ekologiya və Təbii Sərvətlər Nazirliyinin rəsmilərinin, IDEA İctimai Birliyi və ETSN könüllülərinin, Su Nəqliyyatında Polis İdarəsinin əməkdaşlarının iştirakı ilə keçirilən tədbir zamanı akvakultura şəraitində yetişdirilmiş 100 min çəkikimi balıq körpəsi Mingəçevir su anbarına buraxılıb. Yaxın günlərdə daha 100 min balıq körpəsinin su anbarına buraxılması planlaşdırılır.

Qeyd edək ki, "Zəngin hövzələr” layihəsi balıq növlərinin təbii populyasiyasının artırılması, daxili su hövzələrində çirkləndirilmənin azaldılması, qanuni və sivil qaydalarla balıq ovunun təşviqi üzrə tədbirlərin həyata keçirilməsini nəzərdə tutur. Ötən ilin may ayında start verilmiş layihə çərçivəsində indiyədək ümumilikdə 3 milyona yaxın müxtəlif növ balıq körpəsi su hövzələrinə buraxılıb.

Daha sonra, ETSN-in Dövlət Ekoloji Təhlükəsizlik Xidmətinin və DİN-in Su Nəqliyyatında Polis İdarəsinin birgə təşkilatçılığı ilə keçirilən “Təmiz hövzələr” aksiyası çərçivəsində Mingəçevir su anbarı sintetik torlardan, plastik tullantılardan təmizlənib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.