Zərdab, 13 fevral (AZƏRTAC). Zərdab rayonunda son bir ildə 36 milyon manatlıq tikinti-quruculuq işləri görülmüşdür.

AZƏRTAC rayon icra hakimiyyətinə istinadla bildirir ki, son vaxtlar onlarla obyekt tikilib istifadəyə verilmişdir. Heydər Əliyev mərkəzi, gənclər mərkəzi, YAP rayon təşkilatı üçün yeni bina, Veteranlar evi, iki kənd məktəbi, uşaq və ailələrə dəstək mərkəzi, yaradıcılıq evi, uşaq bağçası belə obyektlərdəndir.

Hazırda üç məktəb binası, “Aqrolizinq” ASC-nin Zərdab aqroservis filialı üçün yeni inzibati bina, regional gübrə və taxıl anbarı, baytarlıq idarəsi, polis şöbəsi, suvarma sistemləri idarəsi üçün yeni binalar inşa olunur.