REGİONLAR


Zərdabda 939 tondan çox çəltik istehsal olunub

Zərdab, 5 dekabr, AZƏRTAC

Zərdab rayonunda çəltik yığımı başa çatıb və sahələrdən 939,4 ton məhsul götürülüb.

Rayon icra hakimiyyətindən AZƏRTAC-ın bölgə müxbirinə bildirilib ki, cari ildə 5 inzibati ərazi dairəsi üzrə 204 hektarda çəltik yetişdirilib. Hər hektardan orta məhsuldarlıq 46 sentner olub. Ən yüksək məhsuldarlıq 110 hektarda çəltik əkilən Məlikli inzibati ərazi dairəsində qeydə alınıb - 51,1 sentner. Yuxarı Seyidlər, Qoruqbağı inzibati ərazi dairələrində də məhsuldarlıq yaxşı olub.

Qeyd edək ki, Zərdab çəltikçiliyin inkişafı üçün böyük potensialı olan rayonlardandır. Son illər bazarlarda yerli düyüyə tələbat getdikcə artır. Ötən il sentyabrın 3-də Prezident İlham Əliyevin sədrliyi ilə Lənkəranda keçirilən çay, çəltik və sitrus meyvələri istehsalının inkişafı məsələlərinə həsr olunan respublika müşavirəsində dövlətimizin başçısının qarşıya qoyduğu konkret vəzifələr rayonda çəltikçiliyin inkişafına böyük təkan verib. Əkin sahələri artırılıb, məhsul istehsalı 1,2 dəfə çox olub. Gələn il də əkin sahələrinin artırılacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.