Zərdabda ilin birinci yarısında yüz nəfər daimi işlə təmin olunub

Zərdab, 3 avqust, AZƏRTAC

Respublikamızın hər yerində, o cümlədən Zərdab rayonunda əhalinin sosial müdafiəsi istiqamətində tədbirlər davam etdirilir.

Rayon icra hakimiyyətindən AZƏRTAC-ın bölgə müxbirinə verilən məlumatda bildirilir ki, təkcə cari ilin birinci yarısında 28-i qadın olmaqla, 100 nəfər daimi işlə təmin olunub. Yeni iş yerləri rayonun idarə, müəssisə və təşkilatlarında açılıb.

Rayonda sosial müdafiəyə xüsusi ehtiyacı olan və işə düzəlməkdə çətinlik çəkən vətəndaşların özünüməşğulluq proqramına cəlb olunması üçün tədbirlər görülüb. Belə ki, altı ayda 23 nəfər vətəndaş istehsal və xidmət sahələri üzrə aktivlərlə təmin edilib.