İDMAN


“Zirə” - “İnter” görüşü heç-heçə yekunlaşıb

Bakı, 23 sentyabr, AZƏRTAC

Sentyabrın 23-də Azərbaycan Premyer Liqasının altıncı turu çərçivəsində “Zirə” komandası “İnter” klubu ilə görüşüb.

AZƏRTAC xəbər verir ki, Zirə İdman Kompleksinin stadionunda keçirilən görüşün ilk hissəsinin 21-ci dəqiqəsində Sertan Taşkın başla zərbə ilə hesabı açıb. Baş hakim İnqilab Məmmədovun idarə etdiyi oyunun ikinci hissəsində “İnter” komandası hesabı bərabərləşdirib. Cavab topunu 67-ci dəqiqədə Yovan Krneta vurub. Beləliklə görüş 1:1 hesabı ilə yekunlaşıb.

“İnter”in futbolçusu İlkin Qırtımov 43-cü dəqiqədə qırmızı vərəqə ilə cəzalandırılıb.

“Zirə” klubu 14 xalla turnir cədvəlində ikinci pillədə yer alır. Hesabında 8 xal olan “İnter” isə dördüncü yerdədir.

Xatırladaq ki, günün ilk oyununda “Səbail” klubu “Kəpəz”i minimal hesabla məğlub edib – 1:0.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.