İDMAN


“Zirə” futbol klubuna yeni prezident təyin olunub

Bakı, 14 sentyabr, AZƏRTAC

“Zirə” klubunun rəhbərliyində dəyişiklik olub.

AZƏRTAC xəbər verir ki, bu barədə klubun rəsmi saytı məlumat yayıb.

Məlumatda bildirilir ki, 2014-cü ildə təsis edilmiş “Zirə” peşəkar futbol klubu qısa zamanda futbol ictimaiyyətinin və azarkeşlərin etimadını doğruldub və onların rəğbətini qazana bilib. Əldə edilmiş nailiyyətlərin qorunması, daha böyük uğurların qazanılması, eləcə də Azərbaycan futbolunun inkişafına davamlı töhfə vermək kimi hədəflər hazırkı mərhələdə klubun daha da yüksək peşəkarlıq prinsipləri əsasında idarə olunmasını zəruri edir. Bu məqsədlə klubdaxili məsləhətləşmələrin nəticəsində Orxan Məmmədov “Zirə” klubunun fəxri prezidenti seçilib. Klubun yaradılmasının əsas təşəbbüskarı olan O.Məmmədovun əldə edilən uğurlarda böyük rolu var.

Bu vaxtadək icraçı direktor vəzifəsində çalışan Natiq İsmayılov isə “Zirə” klubunun prezidenti təyin olunub.

İcraçı direktor vəzifəsini isə Cahangir Məmmədov yerinə yetirəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.