İDMAN


“Zirə” klubu “Səbail”lə 12-ci dueldə görüşəcək

Bakı, 10 sentyabr, AZƏRTAC

Milli komandaların oyunları ilə əlaqədar yaranan fasilədən sonra Azərbaycan Premyer Liqasında II turun

oyunları keçiriləcək.

AZƏRTAC xəbər verir ki, “Zirə” mövsümdə ikinci qarşılaşmasında “Səbail” ilə görüşəcək. Birinci turda səfərdə “Qəbələ” ilə heç-heçə edən (1:1) “qartallar” yenə rəqib meydanında qüvvəsini sınayacaq.

“ASCO Arena”da baş tutacaq oyun komandaların ölkə çempionatında 12-ci dueli olacaq. “Zirə” Premyer Liqada 11 dəfə “Səbail”lə üz-üzə gəlib. Paytaxt klubları ilk dəfə 2017-2018-ci il mövsümündə görüşüblər. Hesabında 6 qələbə olan “qartallar” 2 görüşdən bir xalla ayrılıb. Üç matçda isə “Səbail” qalib gəlib. Son iki qarşılaşmada inamlı qələbələr qazanan “Zirə” top fərqində də üstünlüyə malikdir – 15:7. “Zirə”nin heyətində 13 futbolçu qol sevinci yaşayıb.

“Zirə”nin üstünlüyü səfər oyunlarında da müşahidə olunur. Baş tutan 6 matçda 4 dəfə üç xala sevinən “qartallar” səfərdən iki dəfə məğlub ayrılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.