İDMAN


“Zirə” klubu son dəqiqələrdə qələbəni əldən verib

Bakı, 18 sentyabr, Nicat Məmmədov, AZƏRTAC

Sentyabrın 18-də futbol üzrə Azərbaycan Premyer Liqasında IV turun daha bir oyunu keçirilib.

AZƏRTAC xəbər verir ki, günün ikinci matçında "Zirə" klubu "Sabah"ı qəbul edib.

Zirə İdman Kompleksinin stadionunda keçirilən qarşılaşma 1:1 hesabı ilə yekunlaşıb. Oyunda meydan sahiblərinin legioneri Mohamed Hamdaui 49-cu dəqiqədə hesabı açıb. "Sabah"ın futbolçusu Şpiro Periçiç 83-cü dəqiqədə qonaqların bərabərlik qolunu vurub.

Xallarının sayını 5-ə çatdıran "qartallar" turnir cədvəlinin 5-ci pilləsinə yüksəlib. İlk xalını qazanan "Sabah" isə 7-ci yerdədir.

Qeyd edək ki, günün digər oyununda "Qəbələ" evdə "Səbail"in qapısından 5 cavabsız top keçirib.

Sentyabrın 19-da "Neftçi" "Keşlə"ni qəbul edəcək. Tura sentyabrın 20-də "Qarabağ" - "Sumqayıt" görüşü ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.