ELM VƏ TƏHSİL


Zoologiya İnstitutunun əməkdaşları ekspedisiyada olublar

Bakı, 16 iyun, AZƏRTAC

Zoologiya İnstitutunun Quru onurğasızları laboratoriyasının baş elmi işçisi, biologiya elmləri doktoru Natalya Sneqovaya, aparıcı elmi işçilər, biologiya elmləri üzrə fəlsəfə doktorları Gülər Hüseynzadə və İlhamə Kərimova Zaqatala və Balakən rayonlarında ekspedisiyada olublar.

Zoologiya İnstitutundan AZƏRTAC-a bildirilib ki, ekspedisiya dövründə Zaqatala rayonunun Kebeloba, Cicixana kəndləri, Zaqatala Dövlət Təbiət Qoruğunun Beşbulaq adlanan ərazisi, Balakən rayonunun Geratab kəndi, Qabaqçöl qəsəbəsinin ətrafı və çay kənarındakı çəmənliklər, meşəətrafı sahələr, talalar müayinə edilərək entomoloji materiallar toplanıb. Alimlər mövzularına uyğun olaraq arıkimilər, qızıl böcəklər və iynəcələr dəstəsinə aid növlərin yetkin fərd və sürfələrini toplayaraq tədqiq etmək üçün laboratoriyaya gətiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.