İQTİSADİYYAT
® Açıq havada televizor? “Samsung The Terrace!”
Son zamanlar getdikcə daha çox ev içində zaman keçirir, iş tapşırıqlarını yerinə yetirir və ya ev işləri görürük, lakin bu, təmiz havada istirahət etməkdən imtina etmək üçün bir səbəb olmamalıdır. Bu səbəbdən də istifadəçilər ev həyatının rahatlığını təbiət ab-havası ilə birləşdirən yeni məkanlar təchiz edirlər. Belə ki, biz təkcə fiziki sağlamlığımıza nəzarət etmirik, həm də gündəlik həyatın tələskənliyindən və ətalətdən özümüzə dincəlməyə imkan yaradaraq mənəvi sağlamlığımızın qayğısına qalırıq. İstirahətinizi daha parlaq etmək üçün “Samsung Electronics” açıq havada istifadə üçün nəzərdə tutulmuş “The Terrace” televizorunu təqdim edir. Bu unikal məhsul suya və toza davamlıdır. Cihazın korpusu Beynəlxalq Elektrotexnika Komissiyası tərəfindən təsdiqlənmiş “IP55” sukeçirməzlik standartına malikdir.
Televizor seyrindən həzz almanız üçün “The Terrace” parlaq ekranla təchiz edilib. Televizorun pik parlaqlığı 4 min nitsdən çox, orta parlaqlığı isə 2 min nitsdir, beləliklə, videoları hətta günün ən işıqlı vaxtında belə, rahat şəkildə izləmək olur. Bundan əlavə, “The Terrace” ekran səthindən işığın əks olunmasını azaldan parlama əleyhinə texnologiya ilə təchiz edilib. Həmçinin televizor dəyişən işıqlandırma şəraitinə uyğun parlaqlığı avtomatik tənzimləyən “Ağıllı Şəkil Optimizasiyası” sayəsində aydın görüntü təmin edir. Beləliklə, “The Terrace” siz kabab hazırlayarkən qonaqlarınızın darıxmasına imkan verməyəcək, çünki cihazın ekranı görüntünün yüksək parlaqlığını və qaranlıq səhnələrin kəskin kontrastını təmin edir ki, bu da hətta birbaşa günəş işığı altında belə filmin hər bir kadrını aydın şəkildə izləməyə imkan yaradır.
“The Terrace”da istifadə olunan “Tizen” əməliyyat sistemi sayəsində məzmuna baxmaq üçün ayrıca qurğu qoşmağa ehtiyac yoxdur. Daxili funksionallıq sayəsində hər şey çox asandır. Sevdiyiniz oyunları oynamaq üçün, sadəcə, açıq havada dostlarınızla bir araya gəlməyiniz kifayətdir. “The Terrace Soundbar”ın zəngin və dolğun səsi ilə səs-küylü bir yığıncaq təşkil etmək də indi çox sadədir. 210 Vt səs gücü, daxili gücləndiricilərin dərin basları və heyrətamiz “təmiz” səsi ilə çöldə olan yığıncağınızda məkan daxili səs keyfiyyətindən zövq alın. Ən əsası isə “Soundbar” vasitəsilə musiqi səsləndirmək üçün sadəcə olaraq, ona smartfonunuzla toxunmaq yetərlidir.
İstədiyiniz zaman isə bütün ailəniz üçün xatirə axşamı təşkil edib, onu açıq havada keçirin. Şəkillərə baxın, emosiyalarınızı paylaşın, çünki “The Terrace”da tətbiq olunan “Tap View” funksiyası ilə bunu etmək çox asandır, sadəcə olaraq, smartfonu televizorun kənarına yaxınlaşdırın və seçdiyiniz media faylları dərhal ekranda görün. Sözügedən bu funksiya böyük ekranda şəkillərdən tam zövq almağa imkan yaradır.
Bütün “The Terrace” cihazlarını idarə etmək üçün sadəcə, bir universal televizor pultu “One Remote Control” istifadə olunur. Buna misal olaraq, səs panelində onun köməyi ilə səs yüksəkliyini və ya səs effektlərini tənzimləmək mümkündür.
“The Terrace” televizorları haqqında əlavə məlumatı “Samsung”un rəsmi internet saytından və “Baku Electronics”, “Irşad”, “Kontakt Home”, “Maxi.az”, “Soliton” və “Optimal” mağazalar şəbəkəsində əldə bilirsiniz. Əlavə olaraq, “The Terrace” televizorlarını artıq rəsmi distribüterlərdən əldə etmək mümkündür.