CƏMİYYƏT
® Aleksey Yaqudin və Tatyana Totmyanina Azərbaycanda düzgün qidalanmanın əsaslarını təbliğ edirlər
Bakı, 29 noyabr, AZƏRTAC
Bu il “Herbalife Nutrition” şirkəti Azərbaycan bazarında fəaliyyətinin beş illiyini qeyd edir. Şirkətin səfirləri – fiqurlu konkisürmə üzrə Olimpiya çempionları, dəfələrlə dünya və Avropa birinciliklərinin qalibləri olmuş Aleksey Yaqudin və Tatyana Totmyanina bu əlamətdar hadisə münasibətilə Bakıya səfər ediblər.
Noyabrın 23-də “Four Seasons” otelində tarazlaşdırılmış qidalanma və ailədə düzgün menyuya riayət edilməsi problemlərinə həsr olunmuş mətbuat konfransı keçirilib.
AZƏRTAC xəbər verir ki, tanınmış aparıcı Natella Kərimovanın moderatorluğu üzrə keçirilmiş tədbirdə fiqurlu konkisürmənin canlı əfsanələri Aleksey Yaqudin və Tatyana Totmyanina, həmçinin tarazlaşdırılmış qidalanma sahəsində şirkətin eksperti Aleksandr Martınçuk media nümayəndələrinin suallarına cavab verib, düzgün qidalanmanın əhəmiyyəti, çəkiyə nəzarət etməyin xüsusiyyətləri barədə söhbət açıb, özlərinin qida rasionunun təfsilatı barədə məlumat veriblər.
Səmimiyyət və sərbəstlik şəraitində keçən görüşdə müzakirə edilən mövzuların diapazonu çox geniş olub. Duz, şəkər və xolesterin doğrudanmı təhlükəlidir? Səhərlər yemək lazımdırmı? Bədənin görkəminin korlanmaması şərtilə yatmazdan əvvəl hansı məhsulları yemək olar? İdmançılar üçün düzgün qidalanmanın əsas prinsipləri nədən ibarətdir? Həmin axşam dinləyicilərin ətraflı cavab aldıqları sualların siyahısı təkcə bununla bitmir.
Aleksey və Tatyana artıq üçüncü mövsümdür ki, şirkətin səfirləri qismində çıxış edirlər. Özlərinin etiraf etdiyi kimi, onlar bu qərarı birdən-birə qəbul etməyiblər. Bu, düşünülmüş addım idi. Keyfiyyətli və dəyərli qida məhsulları ilə işləmək onlar üçün çox vacibdir. Düzgün qidalanma mövzusu daim aktualdır. Böyük idmanın artıq keçmişdə qalmasına baxmayaraq onlar idmanla bağlı gərginliyi azaltmırlar. Buna görə də qida məhsullarının düzgün seçimi onların ailə həyatında birinci dərəcəli məsələlərdən biridir. Aleksey Yaqudin ilk növbədə səhər yeməyinin vacibliyini qeyd etdi. Bildirdi ki, səhər yeməyi sağlam və faydalı olmalı, insana enerji bəxş etməli, nəticə etibarilə orqanizmi oyatmalıdır. Belə halda bütün gün ərzində yaxşı əhval-ruhiyyə təmin edilir.
Tatyana Totmyanina xüsusi vurğuladı ki, bizim qidalanma ilə bağlı vərdişlərimiz uşaqlıq dövründə formalaşır. Buna görə də valideynlər öz övladları üçün yaxşı nümunə olmalı, qida məhsullarını düzgün seçməyi, sağlam həyat rejiminə riayət etməyi öyrətməlidirlər. Aleksey və Tatyana çox vaxt buna əməl etmək çətin olur, çünki “nənələrimizin duz çörəkli süfrəsi” məsələsi hamımıza yaxşı məlumdur: onlar hər dəfə fürsət düşəndə bizi yaxşıca yedirtmək istəyirlər. Tatyana Totmyanina bununla əlaqədar deyib: “Lakin hətta bu halda da insan artıq yeməkdən çəkinməli, o qədər də faydalı olmayan qida məhsullarından imtina etməlidir”.
Aleksandr Martınçuk da ailədə düzgün qidalanma vərdişlərinin vacibliyini qeyd etdi və “enli sümüklər”, “düzgün olmayan genlər” barədə mifin əsassız olduğunu söylədi: “Hər bir insan öz rejimini qaydaya salmaq istəsə, zahiri görkəmi onun istədiyi kimi ola bilər”. Tanınmış ekspert onu da qeyd etdi ki, müxtəlif pəhrizlər çox vaxt faydasız olur. Bəzi adamlar ac qalır, digərləri yalnız şorba ilə kifayətlənir, axırda da bu və ya digər məhsulları görmək belə istəmirlər.
Mətbuat konfransı furşet ilə müşayiət olundu. Qonaqlar faydalı yeməyin həm də ağlasığmaz dərəcədə dadlı ola biləcəyini yəqin etmək üçün tərkibində “Herbalife Nutrition Formula 1” adlı populyar protein kokteylini və eksklüziv reseptlər əsasında hazırlanmış üç sağlam qida nümunəsini dadıblar.
Qeyd edək ki, “Herbalife” beynəlxalq şirkəti sağlam həyat tərzinin təbliği ilə məşğuldur. 1980-ci ildə Los-Ancelesdə yaradılmış bu şirkətin məhsulları hazırda dünyanın 90-dan çox ölkəsində müstəqil tərəfdaşlar vasitəsilə yayılır. Şirkət insanların artıq çəki ilə və qeyri-sağlam qidalanma vərdişləri ilə mübarizə aparmasına kömək edir, yüksək keyfiyyətli məhsullar təklif edir, tarazlaşdırılmış qidalanma sahəsində fərdi yanaşma üsullarını tətbiq etməklə elə ab-hava yaradır ki, bu şəraitdə istehlakçılar sağlam qidalanma vərdişlərinə riayət etməyə, öz çəkilərinə nəzarət etməyə, fəal və sağlam həyat tərzi sürməyə ruhlanır.
Bu gün bütün dünyada “Herbalife” şirkətinin 8 mindən çox ştatlı əməkdaşı var. Şirkətin səhmləri Nyu-York Fond Birjasında (NYSE: HLF) alınıb-satılır. 2015-ci ildə şirkətin məhsullarının satış həcmi 4,5 milyard ABŞ dollarından çox olub. Bu barədə daha ətraflı məlumat üçün Herbalife.com və ya IAmHerbalife.com saytlarına müraciət edə bilərsiniz.