İQTİSADİYYAT


® “ “AzerTelecom”un stendi “Bakutel 2019” sərgisində ən innovativ stend seçilib

Azərbaycanı beynəlxalq internet şəbəkəsinə bağlayan magistral internet provayderi “AzerTelecom” şirkətinin “Bakutel 2019” 25-ci Yubiley Azərbaycan Beynəlxalq Telekommunikasiya, İnnovasiya və Yüksək Texnologiyalar sərgisindəki stendi sərginin “ən innovativ stendi” adına layiq görülüb. Bununla bağlı şirkət “Bakutel 2019” sərgisinin təşkilatçısı olan “Caspian Event Organizers” (CEO) şirkəti tərəfindən sertifikatla təltif olunub.

Qeyd edək ki, “AzerTelecom” dekabrın 3-dən 6-dək davam edən sərgidə Azərbaycanın regional rəqəmsal mərkəzə çevrilməsi istiqamətində icra etdiyi “Azerbaijan Digital Hub” proqramını və bu proqramın tərkib hissələri olan iri infrastruktur layihələrini təqdim edib.

Sərginin yerli və xarici iştirakçılarına şirkətin reallaşdırdığı “Digital Hub” proqramı, bu proqramın icra mərhələləri, ölkə daxilində və xaricində magistral infrastruktur quruculuğu, Xəzər dənizinin dibi ilə Azərbaycan-Qazaxıstan və Azərbaycan-Türkmənistan marşrutları üzrə magistral fiber-optik kabel xətlərinin çəkilməsi və beləliklə də Avropa ilə Asiya arasında Azərbaycan vasitəsilə rəqəmsal İpək yolunun formalaşması, Bakının internet mübadilə mərkəzinə çevrilməsi, Azərbaycanda iri data mərkəzin tikilməsini və ümumilikdə ölkədə rəqəmsal ekosistemin qurulması layihələri barədə ətraflı məlumat verilib. Nəticədə, “AzerTelecom” şirkətinin stendi və təqdim olunan layihələr sərgi iştirakçıları tərəfindən maraqla qarşılanıb.

“AzerTelecom” Azərbaycanın telekommunikasiya operatorudur. Şirkət ölkənin ilk mobil operatoru və ən sürətli mobil internet provayderi olan “Bakcell” şirkətinin törəmə müəssisəsidir. “AzerTelecom” şaxələnmiş şəbəkə vasitəsilə Azərbaycanı beynəlxalq internet şəbəkəsi ilə birləşdirir. Şirkət telekommunikasiya sektorunda yerli və xarici şirkətlərə müxtəlif qabaqcıl xidmətlər təqdim edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.