İQTİSADİYYAT
® Bakı və bölgələrdə maarifləndirmə tədbirləri davam edir
“Azercell”in dəstəyi ilə “Uşaq Qaynar Xətt” xidməti çətinliyi olan uşaqların yanındadır
Əksər uşaqlar ailədə, məktəbdə onlara qarşı baş verən haqsızlıq, qanun pozuntusu və zorakılıq barədə digər insanlarla bölüşməkdən qorxurlar, eyni zamanda, üzləşdikləri problemləri valideynlərinə və yaxınlarına danışmaqdan çəkinirlər. Aparılan müşahidələr göstərir ki, bütün bu yaşananlar uşaqların bir şəxsiyyət kimi yetişməsində ciddi maneələr törədir, onlara mənəvi və psixoloji olaraq çətinlik yaradır. Bu tip problemlərin qarşısını almaq, uşaqlara dəstək və yaranan problemlərdə valideynlərə yardımçı olmaq üçün “Azercell Telekom” MMC-nin dəstəyi ilə fəaliyyət göstərən “Uşaq Qaynar Xətt“ xidməti artıq 2 ildir ki, orta məktəblərdə maarifləndirmə işləri aparır. İndiyə qədər Bakının bir çox məktəbləri ilə yanaşı, bölgələrdə də maarifləndirmə tədbirləri keçirən “Qaynar Xətt”in əməkdaşları noyabr ayında da yüzlərlə uşaq, valideyn və müəllimi bir araya gətiriblər. Belə ki, Bakıda 135, 24, 212, 45, 263, 83 nömrəli orta məktəblərdə və eləcə də “Göygöl Uşaq və Ailələrə Dəstək Mərkəzi”ndə keçirilən maarifləndirmə tədbirlərində “Qaynar Xətt” xidmətinin iş prinsipləri, müraciət vasitələri, “Qaynar Xətt”də psixoloji, sosial və hüquqi yardımın meyarları haqqında ətraflı məlumat verilib. Bildirilib ki, uşaqlar xidmətə şəxsiyyətlərarası münasibətlər, psixoloji dəstəyə ehtiyac, ailədaxili, həmyaşıdlarla, məktəbdə ünsiyyət çatışmazlığı, tənhalıq, sevgi ilə bağlı qorxu hissləri, yaxın adamın itkisi, psixoloji, fiziki və cinsi zorakılıq, imtahanqabağı həyəcan, evdənqaçma, gələcək planlarla bağlı narahatlıq, erkən nikah, zərərli maddələrdən istifadə, İİV/QİÇS-ə yoluxma təhlükəsi, habelə hüquqi pozuntularla bağlı zəng vura bilərlər. Sonda şagirdlərə “Qaynar Xətt”in maarifləndirici materialları təqdim edilib.
2010-cu ildə “Azercell”in dəstəyi ilə xidmətin yaradılmasında məqsəd ailədə zorakılığa məruz qalan, həmyaşıdları ilə problem yaşayan, psixoloji və mənəvi yardıma ehtiyacı olan uşaqlara dəstək olmaq, onlara problemlərinin həllinin tapılmasında, sosial mühitə uyğunlaşmalarına yardım etməkdir. Qeyd edək ki, işçi heyəti uşaqlarla iş sahəsində geniş təcrübəyə malik olan psixoloqlar, hüquqşünaslar və sosial işçilərdən ibarət olan “Uşaq Qaynar Xətt” xidmətində ən vacib prinsiplərdən biri məxfilikdir. Yalnız uşağın və valideynin icazəsi olduqda və problemin həlli bunu tələb edirsə müraciət digər müvafiq təşkilatlara çatdırılır.
Daha ətraflı məlumat üçün [email protected] ünvanına müraciət edə bilərsiniz
Azərbaycanın mobil rabitə sektorunun lideri və qeyri-neft sektorunun ən böyük vergi ödəyicisi və sərmayəçisi “Azercell Telekom” MMC 1996-cı ildə təsis edilib. Azərbaycanın mobil rabitə sektorunda 48 faiz bazar payına malik olan “Azercell”in şəbəkəsi ölkə ərazisinin 80 faizini (işğal altında olan 20 faiz ərazi istisna olmaqla), əhalinin isə 99,8 faizini əhatə edir. Hazırda 4,5 milyon abunəçi “Azercell”in xidmətlərindən istifadə edir. Ölkəyə bir sıra yenilikləri ilk dəfə olaraq məhz Azercell gətirib: GSM texnologiyası, öncədən ödəmə sistemi, mobil internet xidmətləri, metropoliten ərazisində şəbəkənin qurulması, 24/7 Telefon Mərkəzi, həftənin 7 günü fasiləsiz ön ofis xidmətləri, M2M xidmətləri, 1 nöqtədə 3 xidmət göstərən “Azercell Ekspres” ofisləri, mobil müştəri xidmətləri, onlayn müştəri xidmətləri və sosial media üzərindən müştəri xidmətləri, mobil elektron imza xidməti “Asan İmza” və s. 2012-ci ildə “Azercell” ölkədə ilk dəfə 4G xidmətini təqdim edib. Radio siqnalların şəbəkə keyfiyyətini ölçən və simsiz rabitənin əhatə dairəsi üzrə ixtisaslaşan beynəlxalq sistemlər tərəfindən aparılmış araşdırmaların nəticələrinə əsasən, “Azercell” şəbəkəsi Azərbaycanın mobil operatorları arasında ən yüksək göstəricilər nümayiş etdirib. “Azercell” ölkədə və MDB məkanında beynəlxalq “Investors In People” İnsana Sərmayə Qızıl Sertifikatına layiq görülən yeganə şirkətdir.