İQTİSADİYYAT


® “BirBank”ı artıq meqabaytsız da istifadə etmək olar

"Kapital Bank" "BirBank" istifadəçiləri üçün növbəti yeniliyi təqdim edir. Belə ki, "Azercell" və "Bakcell" abunəçiləri artıq balanslarında sıfır meqabayt olduqda belə smartfonları ilə tətbiqə daxil olub istifadə edə bilərlər. Həmçinin balansda meqabayt olduqda belə tətbiqdən istifadə zamanı meqabaytlar çıxılmayacaq.

"Kapital Bank"ın "BirBank" tətbiqini 500 min nəfərdən çox istifadəçi "App Store" və "Play Store"dan yükləyib. Hazırda "BirBank" ölkəmizdə ən çox yüklənilən və ən çox istifadə edilən mobil bank tətbiqidir. “iOS” və “Android” əməliyyat sistemləri "BirBank"ı yüklənmə sayı, istifadə dərəcəsi və istifadəçi rəyləri əsasında maliyyə sektorunun ən yaxşı tətbiqi olduğunu bildirərək müştərilərə tövsiyə edir.

İstifadəçilər 1 dəqiqə vaxt sərf edərək, istənilən ödəniş kartı ilə onlayn qeydiyyatdan keçməklə xidmətdən yararlana bilərlər. Tətbiqin bir sıra üstünlükləri var: rahat qeydiyyat, tətbiqə yalnız "Kapital Bank"ın ödəniş kartlarını deyil, digər bankların kartlarını da əlavə etmək imkanı, əməliyyatlara və hesaba bağlı bonusların idarə edilməsi və sair.

Bundan əlavə, "BirBank"ın telefon kitabçasında olan, tətbiqi yükləyən digər istifadəçiyə pul göndərmək və ya ondan pul qəbul etmək kimi funksiyaları da mövcuddur. Yeni tətbiqdə "Kapital Bank"ın yaxınlıqda olan filial və ATM-lərini tapmaq, kredit sifarişi və valyuta məzənnələrini izləmək mümkündür.

Azərbaycanda ən böyük filial şəbəkəsinə malik olan "Kapital Bank" 99 filialı və 13 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.