İQTİSADİYYAT
® “Kapital Bank” “Milli KSM” mükafatına layiq görülüb
"Kapital Bank" Azərbaycanda ilk dəfə keçirilən "Milli KSM – 2018" mükafatı çərçivəsində mükafata layiq görülüb. "Yaşlıların cəmiyyətə inteqrasiya üzrə ilin layihəsi" nominasiyasının qalibi "Yaşa" təqaüdçülər mərkəzi olub. Tədbir bir sıra dövlət və özəl qurumlarının təşkilatçılığı ilə keçirilib.
"Yaşa" mərkəzinin əsas məqsədi təqaüd yaşına çatmış insanları toplayaraq onların asudə vaxtlarının dəyərləndirilməsi, ahıl vətəndaşların ölkənin sosial-iqtisadi, siyasi və mədəni həyatında fəal iştirakını, onların təhsil və məşğulluq imkanlarını təmin etmək məqsədilə müvafiq tədbirlərin həyata keçirilməsini təşkil etməkdir. Mərkəzin hazırda 800-dən çox aktiv üzvü var. Hər gün keçirilən müxtəlif təlimlərdə 40-50 nəfər iştirak edir.
Qeyd edək ki, mərkəz "Kapital Bank"ın dəstəyi və "Üçüncü Bahar" təşəbbüs qrupunun təşkilatçılığı ilə Əmək və Əhalinin Sosial Müdafiəsi Nazirliyinin nəzdində Dövlət Sosial Müdafiə Fondunun "Sabunçu" rayon şöbəsində (Bakıxanov qəsəbəsi, Y.Əliyev küçəsi, 1) fəaliyyət göstərir.
Azərbaycanda ən böyük filial şəbəkəsinə malik olan "Kapital Bank" 98 filialı və 12 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.