İQTİSADİYYAT
® Mebel sektorunda daha bir yenilik: “Stella” mebel mağazalar şəbəkəsi Bakıda ilk mağazasını açıb
İstənilən növdə və hər zövqə uyğun yüksək keyfiyyətli mebellərin məkanı - “Stella”
Bakı, 17 iyun, AZƏRTAC
Ölkədə mebel sektorunda daha bir yenilik... Paytaxtımızda lüks gözəlliyi ilə seçilən, interyer və dizaynı bir arada cəmləyən yeni bir məkan – “Stella” mebel mağazalar şəbəkəsi bu gündən öz qapılarını müştərilərinə açıq elan edib. İyunun 17-də Bakı şəhəri Atatürk prospekti 97 ünvanında rəsmi açılışını gerçəkləşdirən mağazada müştərilər hər zövqə uyğun mebellərə sahib ola biləcəklər. Burada bütün mebellərlə yanaşı, özəl sifarişlər bölümü də yer almaqdadır. “Stella” mebel mərkəzi 3 mərtəbədən ibarətdir. Hər birində fərqli üslubda mebellər yerləşir.
Şirkətin ixracat müdiri, türk dizayner Sevinç Domaliç məlumat verərək qeyd edib ki, İstanbulda 40 illik tarixi olan və dünyada tanınan bu marka yalnız yüksək keyfiyyət və üstün zövqlə mebel istehsal edir.
“İstanbulda bizim çoxsaylı mebel mağazalarımız fəaliyyət göstərir. 20-dək ölkəyə aktiv olaraq məhsul ixrac edirik. Azərbaycan qardaş ölkə olduğundan bizim üçün burada fəaliyyət göstərmək çox önəmlidir. Bu baxımdan bu gün burada öz mebel mağazamızın açılışını gerçəkləşdirmənin haqlı qürurunu yaşayırıq”, - deyə ixracat müdiri söyləyib.
Yeni açılan mağazada mətbəx mebelləri, otel otağı mebelləri, bir sözlə, bütün növ kateqoriyadan olan mebelləri əldə etmək mümkündür. Müştərilər “Stella”ya üz tutmaqla iri layihələri çox asanlıqla yüksək keyfiyyətli və zövqlü mebellərlə rahatca təmin edə biləcəklər. Mebellər əhaliyə və bütün müştərilərə bu məkanın sayəsində daha yaxın olacaq. İstənilən növdə və hər zövqə uyğun yüksək keyfiyyətli mebelləri “Stella”dan əldə etmək mümkündür. Buradakı bütün məhsullar sağlam və təbii materialdan hazırlanıb.
“Stella”nın qurucularının zəngin təcrübələrini və hisslərini mebellərində əks etdirmə arzusu, sözügedən brendin 1970-ci ildən etibarən bu yola çıxmasına səbəb oldu və 45 ildən artıqdır ki, “Stella” mebel sənayesində inamla irəliləyib inkişaf etməyə, dünyaya tanıtmağa və böyük şöhrət qazanmağa uğurla davam edir.
İstehsal edilən hər bir məhsul xarakterizə edilən dizayn xəttinə uyğun olaraq xüsusi qayğı və zərif toxunuşla müştərilərin evlərini bir sənət əsərinə çevirməyə nail olur. Divan dəstlərindən mebel aksesuarlarına, yemək qruplarından yataq otağı qruplarına qədər hər bir məhsul ən keyfiyyətli materiallar və özəl şəraitdə, xüsusi sənətkarlıqla istehsal edilir.
Bundan əlavə, xüsusi ilə qeyd etmək istəyərdik ki, bütün bu proseslər zamanı “Stella” yalnız və yalnız sənaye ağaclarından istifadə edir. Bu da o deməkdir ki, təbiəti qoruyaraq heç bir ağac növünə zərər vermir.
Rahat, gözəl və ən əsası keyfiyyətli işləri ilə seçilən “Stella” mebel mağazası müştərilərinə yaraşan bir yaşayış sahəsi yaratmaq üçün, Türkiyədə istehsal edilən bütün məhsullarını xaricdə yerləşən mağazalar vasitəsi ilə müştərilərinə çatdırmağı bacarır. Hər bir mebel müasir dizayn dünyasının yeniliklərinə və ən son texnologiyalar ilə hazırlanır. “Stella” bu günə kimi həm müştəri məmnuniyyəti, həm də keyfiyyətinə görə mebel sektorunda ad qazanmış bir marka olmağa davam edir.