İQTİSADİYYAT


® Naxçıvan Dövlət Universitetində “Mobil rabitə təlimi” keçirilib

Azərbaycanın mobil rabitə peşəkarlarının hazırlanması, telekommunikasiya sahəsi üzrə təhsil alan tələbələrin hazırlıqlı kadr kimi yetişməsi məqsədilə mobil operator “Nar” Naxçıvan şəhərində növbəti dəfə “Mobil rabitənin əsasları” təlimini keçirib.

Budəfəki təlim mobil standartların arxitekturası, şəbəkə avadanlıqlarının iş prinsipi kimi geniş mövzuları əhatə edib.

Naxçıvan şəhərində ikinci dəfə keçirilən “Mobil rabitənin əsasları” təlimi Naxçıvan MR Rabitə və Yeni Texnologiyalar nazirliyinin təşkilatçılığı ilə Naxçıvan Dövlət universitetində təşkil olunub. Təlimdə universitetin müəllim və tələbələri ilə yanaşı, sözügedən nazirliyin əməkdaşları da iştirak ediblər.

Telekommunikasiya və informasiya təhlükəsizliyinin artan strateji əhəmiyyətini nəzərə alaraq, bu sahədə yerli kadrların hazırlanması üçün “Nar” bu təlimləri davamlı olaraq həyata keçirir.

Təlimin məzmunu mobil operatorun peşəkar texniki heyəti tərəfində təcrübi biliklər əsasında tərtib edilir və universitetlərin nəzəri biliklərinə əlavə kimi tədris olunur. Təlimdə iştirak edən tələbələr “Nar” tərəfindən sertifikatla təltif edir.

Qeyd edək ki, bu günədək 300-dən çox tələbənin qatıldığı “Mobil rabitənin əsasları” təlimləri “Nar”ın təhsilə dəstək korporativ məsuliyyət strategiyası çərçivəsində baş tutub. Mobil operatorun digər sosial layihələri və KSM strategiyası haqqında daha ətraflı məlumatı buradan əldə edə bilərsiniz.

“Azerfon” şirkəti (“Nar” ticarət nişanı) 2007-ci il martın 21-də fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib.

“Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Şirkət son 3 ildə Müştəri Loyallığı İndeksinə görə ölkədə lider mobil operatordur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.