İQTİSADİYYAT


® “Prior Leasing”in baş direktoru: “Caspian Agro” sərgisində iştirakımızın səbəbi aqrar sahədəki islahatlardır

Bu il ilk dəfə olaraq "Caspian Agro" Beynəlxalq Kənd Təsərrüfatı sərgisində iştirak edib, sərginin əsas sponsorlarından biri olmuşuq. Bunun da səbəbi aqrar sahədə islahatlar - kənd təsərrüfatı texnikasının maliyyələşməsində bizim də iştirakımıza imkan yaradılmasıdır.

"Caspian Agro" sərgisində böyük həvəslə iştirakı "Prior Leasing" şirkətinin baş direktoru Azər Hümbətov belə izah edib.

“Kənd təsərrüfatı texnikası və damazlıq heyvanları kənd təsərrüfatı məhsulları istehsalçılarına lizinqlə təklif edən “Prior Leasing” sərgiyə 2 stendlə qatılıb. Məqsədimiz daha çox fermer və sahibkarı məlumatlandırmaq, şirkətimizi tanıtmaqdır. Stendlərimizə maraq böyükdür. Bizdən kənd təsərrüfatı texnikasının lizinq şərtlərini soruşurlar və elə buradakı stendimizdə müştərilərdən sifariş qəbul edirik", – deyən A.Hümbətov vurğulayıb.

Deyib ki, yaradılmış elektron müraciət sisteminə 2 gün ərzində 200-dən çox müştəri sorğusu daxil olub: “Müraciətlərin çoxluğunu nəzərə alıb, ərizə və sifarişlərin toplanması, məlumatlandırmanın dolğun aparılması üçün sərgiyə könüllülər cəlb etmişik. Öz stendimizdən başqa, əməkdaşlarımız 10 tərəfdaşımızın da stendində müraciətlər qəbul edir və məlumatlandırırlar. Hər bir fermer bizim əməkdaşlarımız olan istənilən stenddə texnika və damazlıq heyvanın lizinqlə satışı qaydalarını öyrənə və ya dərhal sifariş verə bilər”.

"Prior Leasing"in digər stendində damazlıq heyvanlar nümayiş etdirilir. Bu heyvanlar şirkətin xaricdən idxal etdiyi iri və xırdabuynuzlu heyvan cinsləridir. Şirkətin təklif etdiyi cins heyvanların dəyərinin 60 faizi dövlət tərəfindən qarşılanır, qalan hissə isə sərfəli lizinq şərtləri ilə müştərilər tərəfindən ödənilir.

"Əminik ki, sərgidə olduğumuz müddətdə daha çox adamı dövlətin təklif etdiyi bu sərfəli təkliflər barədə məlumatlandıra, qəbul etdiyimiz müraciətləri real satışa çevirə biləcəyik", – deyə "Prior Leasing"in baş direktoru bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.