İQTİSADİYYAT
® “Rabitəbank” mükafata layiq görülüb
Dekabr 19-da “JW Marriott Absheron Baku” otelində Azərbaycan Banklar Assosiasiyasının (ABA) təşkilatçılığı ilə “Bankçılıq Mükafatları – 2018” tədbiri keçirilib. Bankların il ərzində fəaliyyətini təhlil edilərək 2018-ci il üzrə bankçılıq mükafatlarının qalibləri müəyyənləşdirilib. “Rabitəbank” 2018-ci il ərzində fəaliyyətinə görə “Ən fəal təhsil dəstəkçisi” və “İnnovativ ödəniş həlləri tətbiq edən ABA üzvü” nominasiyaları üzrə qalib seçilib.
Cari il ərzində “Rabitəbank” bank xidmətlərinin rəqəmsallaşdırılması istiqamətində mühüm işlər görüb, belə ki, Azərbaycanın ilk bank botu olan – “RabitəBot” məhsulu ilk dəfə olaraq hamının gündəlik istifadə etdiyi “Telegram” və “Facebook Messenger” əlavələri vasitəsilə bank əməliyyatlarını smartfon vasitəsilə, fiziki olaraq heç bir yerə getmədən həyata keçirmək imkanını müştərilərin istifadəsinə verib. “RabitəBot” vasitəsilə istifadəçilər kartlarının balansını sadəcə bir klik ilə, həm də son dərəcə təhlükəsiz şəraitdə Telegram və Messenger əlavələri üzərindən öyrənmək imkanı qazanıblar. Bundan əlavə, müştərilər hesabdan çıxarış əldə etməklə yanaşı, real vaxt rejimində valyuta məzənnələri, yaxın filial və bankomatlar, kredit və kart məhsulları haqda məlumatları da əldə edə bilərlər. Qeyd edək ki, müştərilər günün 24 saatı ərzində “RabitəBot”un aktiv olduğu “Telegram” və “Messenger” kanalından müraciət edərək onlayn kredit müraciətindən tutmuş plastik kart sifarişinə qədər bütün xidmətlərdən də istifadə edə bilirdilər – bütün bunlara isə yalnız saniyələr sərf olunur. “RabitəBotun” təklif etdiyi daha bir yenilik isə “Telegram” və “Facebook” əlavələri vasitəsilə istifadəçilərin bir-birlərinə pul göndərmək imkanıdır. Hətta bunu pul göndərilən şəxsin kart nömrəsini bilmədən də etmək mümkündür. Bütün bu yeniliklərin tətbiq edilməsinin nəticəsi olaraq “Rabitəbank” cari ildəki fəaliyyətinə görə ABA tərəfindən “İnnovativ” ödəniş həlləri tətbiq edən ABA üzvü” nominasiyasında qalib elan edilib.
“Rabitəbank”ın layiq görüldüyü daha bir mükafat isə ilin “Ən fəal təhsil dəstəkçisi” olub. Belə ki, 2018-ci ildə həyata keçirilən esse müsabiqəsi yeni tələbə adını qazanmış gənclərin əlavə motivasiya olunmasına istiqamətlənib. Layihə çərçivəsində 2018-ci ildə ali təhsil məktəblərinə qəbul olunmuş tələbələrin arasından 2 nəfər “Rabitəbank”ın idarə heyəti tərəfindən seçilərək hər birinə təhsil aldığı müddətdə şəxsi istifadəsi üçün noutbuk hədiyyə olunub və hər birinə akademik təhsili boyunca aylıq 100 AZN məbləğində təqaüdün verilməsi nəzərdə tutulub.
25 illik bank tarixinə sahib “Rabitəbank” ölkənin ən iri banklarından biri kimi 23 filial və 2 şöbədən ibarət xidmət şəbəkəsi, 65 ATM ilə müştərilərin xidmətindədir. Bankın bütün xidmət, məhsul və sərfəli kampaniyaları haqqında daha ətraflı məlumat almaq üçün bankın 133 qaynar xəttinə aid “www.133.az” saytına daxil olmaq və ya “133” Məlumat Mərkəzinə zəng etmək kifayətdir.