İQTİSADİYYAT


® “The Banker” ABB-ni “İlin bankı” seçib

®  “The Banker” ABB-ni “İlin bankı” seçib

Maliyyə dünyasının tanınmış nəşrlərindən olan “The Banker” jurnalı 2022-ci ilin nəticələrinə görə, “İlin bankı” mükafatının qaliblərinin siyahısını elan edib. Azərbaycan üzrə “İlin bankı” nominasiyasına ABB layiq görülüb.

Adı çəkilən nəşrin bununla bağlı yaydığı açıqlamada ABB-nin yüksək mükafata layiq görülməsi gənc mütəxəssislər üçün rəqəmsal bankçılıq və IT təlimləri istiqamətində aparılan işlər, rebrendinq layihəsinin uğurla həyata keçirilməsi və Bankın kapital mövqeyinin güclənməsi ilə izah olunur. 2019-cu ilin sonunda “ABB Tech” akademiyasının fəaliyyətə başlaması Bankın ölkəmizin gələcəyinə töhfəsidir. Akademiya Azərbaycanın əmək bazarı üçün informasiya texnologiyaları sahəsində peşəkar mütəxəssislər yetişdirir. “ABB Tech Academy”nin təlim proqramlarına “back-end”, “front-end”, veb və mobil tərtibat, kibertəhlükəsizlik, maşın öyrənməsi, məhsul sahibliyi və sair kimi önəmli istiqamətlər daxildir. ABB korporativ innovasiya layihəsi kimi ABB İnnovasiya Mərkəzini də yaradıb. Mərkəz ideyalarını biznesə çevirmək istəyən, erkən mərhələdə olan startaplar üçün mühüm inkubator kimi özünü təsdiqləyib. İndiyədək 22 startap bu Mərkəzin inkubasiya proqramında yetişdirilib.

ABB-nin İdarə Heyətinin sədri Abbas İbrahimov deyib: “İlin bankı” mükafatına layiq görülməyimiz beynəlxalq məkanda da ABB-nin uğurlarına verilmiş yüksək obyektiv qiymətdir. Yeni hədəflərə doğru yolumuzda bu, bizi daha da ruhlandırır. Bankımızın nailiyyətlərində böyük rolu olan bütün tərəfdaşlarımıza, müştərilərimizə və əməkdaşlarımıza minnətdarlığımızı bildiririk”.

2022-ci il üzrə “İlin bankı” mükafatına layiq görülmüş banklar sırasında “Raiffeisenbank”, “UniCredit Bank”, BBVA kimi nüfuzlu banklarda yer alıb. Daha ətraflı siyahı ilə buradan tanış olmaq mümkündür.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi feysbuk səhifəsindən əldə etmək olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.