İQTİSADİYYAT


® "Rabitəbank" 25 illik yubileyini qeyd edir!

Təqvimin 30 iyun tarixində müstəqil Azərbaycanın ilk banklarından biri olan "Rabitəbank"ın fəaliyyətə başlamasının 25-ci ildönümü tamamlanıb.

"Rabitəbank" bu yubiley yaşına uğurlu bir bank üçün vacib əhəmiyyət kəsb edən bütün istiqamətlərdə - həm təşkilati, həm də bank əməliyyatları baxımından yüksək nəticələrlə qədəm qoyub.

1993-cü il 30 iyun tarixində bank əməliyyatlarının aparılması üçün Azərbaycan Respublikası Mərkəzi Bankı tərəfindən lisenziya hüququnu əldə edən "Rabitəbank" keçdiyi bu 25 il ərzində hər zaman ölkənin iqtisadi inkişafına töhfə verməyi ilkin prioritetləri sırasına daxil edərək inkişaf edib və öz fəaliyyətini genişləndirməyə davam edib.

25 illik yubileyinin astanasında ikən aktivlərinin həcminə görə ölkənin 30 bankı arasında 8-ci ən iri bank olaraq möhkəmlənən "Rabitəbank" bu gün 25 filial və şöbədən ibarət xidmət mərkəzi ilə paytaxt Bakı ilə yanaşı Azərbaycanın 15 müxtəlif regionunda – Gəncə, Sumqayıt, Xaçmaz, Lənkəran, Naxçıvan, Şirvan, Quba, Qusar, Şəmkir, Şəki, Şamaxı, Kürdəmir, Ağsu, Masallı və Ağcabədidə təmsil olunur.

Hazırda ölkə ərazisindəki ATM-lərinin sayını 63-ə, POS-terminallarının sayını isə 300-ə qədər çatdırmış bankın müştərilərinə 700-dən çox professional kadr xidmət göstərməkdədir.

Fəaliyyətdə olduğu 25 il ərzində bütün müştəri və tərəfdaşları ilə qarşılıqlı məmnuniyyət prinsipi ilə çalışan "Rabitəbank" ölkədə əsasən kiçik, orta və iri bizneslərə dəstəyi ilə seçilsə də, fiziki şəxslərə təklif etdiyi məhsul və xidmətlərlə də hər zaman fərqlənib.

Bu yubiley ilində bir çox yeniliklərə imza atmağı planlaşdıran "Rabitəbank" müxtəlif kampaniyalar, yeni məhsullar və bir-birindən əlverişli fürsətlərlə 2018-ci ili müştəriləri üçün xüsusilə yaddaqalan etməyi hədəfləyib.

"Rabitəbank" ötən illərdə əldə etdiyi nailiyyətlərdən ilhamlanaraq qarşıdan gələn dövrlərdə də uğurlarını davam etdirmək, müştəriləri operativ və keyfiyyətli, müasir dövrün tələblərinə uyğun bank xidmətləri ilə təmin etmək, sahibkarlığın maliyyə vəsaitlərinə tələbatını ödəməklə Azərbaycan iqtisadiyyatına daha böyük töhfələr vermək əzmindədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.