“Facility Management Group” şirkətinin kollektivi yeni tədris ili münasibətilə birinci sinfə gedən bir qrup Vətən müharibəsi şəhidlərinin və qazilərinin övladları və ailələri ilə görüşüb. 30-dan artıq şagirdə məktəb ləvazimatları təqdim olunub. Bundan əlavə, uşaqlar “Zefir Mall” alış-veriş və əyləncə mərkəzində xoş vaxt keçiriblər.

Ölkəmizin ərazi bütövlüyü uğrunda gedən döyüşlərdə qəhrəmancasına həlak olmuş şəhid və qazilərin övladları onlara təqdim edilən hədiyyələri, oyuncaq və məktəb ləvazimatlarını razılıqla qarşılayıblar.

Qeyd edək ki, “Facility Management Group” şirkətinin həyata keçirdiyi korporativ sosial məsuliyyət tədbirləri içərisində şəhid ailələri və qazilərə dəstək xüsusi yer tutur. Bu şirkət əmlak bazarında yeddi ildən artıq müddətdir ki, fəaliyyət göstərir. “Facility Management Group” ofis və yaşayış binaları, biznes və ticarət mərkəzləri və digər müxtəlif təyinatlı daşınmaz əmlakın idarə edilməsini həyata keçirən ölkənin aparıcı şirkətlərindən biridir.

https://www.facebook.com/fmg.azerbaijan/

https://www.instagram.com/fmg.az/

https://www.linkedin.com/company/fmgazerbaijan