RƏSMİ SƏNƏDLƏR
"ÖLKƏDƏN GETMƏK, ÖLKƏYƏ GƏLMƏK VƏ PASPORTLAR HAQQINDA" VƏ "AZƏRBAYCAN RESPUBLIKASI VƏTƏNDAŞININ ŞƏXSIYYƏT VƏSIQƏSI HAQQINDA" AZƏRBAYCAN RESPUBLIKASI QANUNLARININ QÜVVƏYƏ MINMƏSI BARƏDƏ" AZƏRBAYCAN RESPUBLIKASI MILLI MƏCLISININ 1994-CÜ IL 14 IYUN TARIXLI 818 SAYLI QƏRARINDA DƏYIŞIKLIK EDILMƏSI BARƏDƏ
AZƏRBAYCAN RESPUBLIKASININ QANUNU
Azərbaycan Respublikasının Milli Məclisi qərara alır:
I. "Ölkədən getmək, ölkəyə gəlmək və pasportlar haqqında" və "Azərbaycan Respublikası vətəndaşının şəxsiyyət vəsiqəsi haqqında" Azərbaycan Respublikası qanunlarının qüvvəyə minməsi barədə" Azərbaycan Respublikası Milli Məclisinin 1994-cü il 14 iyun tarixli 818 saylı qərarının (Azərbaycan Respublikası Ali Sovetinin Məlumatı, 1994-cü il, N 18, maddə 245) 2-ci bəndinin ikinci abzası aşağıdakı redaksiyada verilsin:
"Azərbaycan Respublikası vətəndaşlarında olan daxili pasportlar 2005-ci il iyunun 30-na qədər;".
II. Bu qanun dərc olunduğu gündən qüvvəyə minir.
İlham ƏLİYEV,
Azərbaycan Respublikasının prezidenti
Bakı şəhəri, 4 may 2004-cü il.