İDMAN


"Barselona" Messinin het-triki sayəsində "Sevilya"nı məğlubiyyətə uğradıb

Bakı, 23 fevral, AZƏRTAC

Fevralın 23-də İspaniya La Liqasının 25-ci turu çərçivəsində növbəti oyun keçirilib.

AZƏRTAC xəbər verir ki, La Liqanın son çempionu "Barselona" səfərdə "Sevilya"nın qonağı olub. Görüş kataloniyalıların 4:2 hesablı qələbəsi ilə başa çatıb.

“Barselona”nın heyətində Lionel Messi 26, 67 və 85-ci dəqiqələrdə fərqlənərək het-trik edib. Oyunda son nöqtəni isə 90-cı dəqiqədə Luis Suarez qoyub. "Sevilya"nın qollarına isə Xesus Navas (22) və Qabriel Merkado (42) imza atıblar.

Bu qələbədən sonra xallarının sayını 57-yə çatdıran "Barselona" turnir cədvəlində liderliyini qoruyub saxlayıb, "Sevilya" isə 37 xalla 5-ci yerdə qərarlaşıb.

Növbəti turda "Barselona" səfərdə əsas rəqibi "Real Madrid", "Sevilya" isə "Ueska" ilə qarşılaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.