İDMAN


"Coca-Cola U-13 Liqası"nda çıxış edən komandaların üzvləri "Avropa Liqası Muzeyi"ndə olublar

Bakı, 30 dekabr, AZƏRTAC

Xəbər verdiyimiz kimi, Bakıda UEFA Avropa Liqasına həsr olunmuş muzey fəaliyyət göstərir. AFFA-nın "Coca-Cola U-13 Liqası"nda çıxış edən futbol komandalarının üzvləri muzeyi ziyarət ediblər.

AZƏRTAC xəbər verir ki, qeyd olunan komandalar üçün AFFA tərəfindən əyləncəli proqram təşkil edilib. Əvvəlcə paytaxtın tanınmış məkanlarından birində yemək süfrəsi arxasında toplaşan kiçik yaşlı futbolçular daha sonra "Avropa Liqası Muzeyi"ndə sərgilənən eksponatlarla tanış olublar.

Yanvarın 7-dək fəaliyyət göstərəcək muzeydə AFFA tərəfindən digər yaş qruplarına aid komandalar üçün də analoji tədbirlər keçiriləcək.

Xatıraldaq ki, saat 15:00-dan 22:00-dək ictimaiyyətə açıq olacaq muzeyə giriş ödənişsizdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.