İDMAN


"FIDE Grand Swiss"in keçiriləcəyi tarixlər məlum olub

Bakı, 16 noyabr, AZƏRTAC

Növbəti "FIDE Grand Swiss" şahmat turniri Böyük Britaniyanın Men adasında keçiriləcək.

AZƏRTAC xəbər verir ki, turnir 2021-ci il oktyabrın 25-dən noyabrın 8-dək baş tutacaq. Ümumilikdə, 164 şahmatçının mübarizə aparacağı yarışın mükafat fondu 550 min ABŞ dolları təşkil edəcək.

İştirakçılara gəlincə, "Open" turnirdə 114 şahmatçı mübarizə aparacaq. Bunlardan 100-ü FIDE reytinqinin sıralamasında ilk yüzlükdə qərarlaşan şahmatçılar olacaq. Doqquz şahmatçı FIDE-nin dəvəti ilə turnirə qatılacaq. Qalan beş iştirakçı isə yerli şahmatçılar olacaqlar. Əsas yarışdan əlavə 40 şahmatçının iştirakı ilə qadınlarının "Grand Swiss" turniri də keçiriləcək.

Onu da qeyd edək ki, "Open" yarışında ilk iki yeri tutan şahmatçılar növbəti iddiaçılar turnirinə birbaşa vəsiqə qazanacaqlar. Qadınların turnirində isə bu vəsiqələrin sayı yalnız bir olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.