"FINCA Azerbaijan"ın Lökbatan filialı 1000-ci müştərisinə kredit vermişdir

Bakı, 23 mart (AZƏRTAC). Binə ticarət mərkəzinin 2-ci mərtəbəsində fəaliyyət göstərən "FINCA Azerbaijan"ın Lökbatan filialı 1000-ci müştərisinə kredit vermişdir.

"FINCA Azerbaijan" qeyri-bank kredit təşkilatından AZƏRTAC-a bildirmişlər ki, filialın kredit portfeli ötən illə müqayisədə 62 faiz artaraq 4,5 milyon ABŞ dollarından artıq məbləğ təşkil etmişdir.

Lökbatan filialı Binə və Sədərək ticarət mərkəzlərində çalışan kiçik və orta sahibkarlara "FINCA ekspress" kiçik və orta sahibkarlıq kreditləri təklif edir. Filiala müraicət edən sahibkarlar qısa müddət ərzində, minimal sənəd təqdim etməklə 50 min ABŞ dolları məbləğinədək kreditlər əldə edə bilərlər.