MƏDƏNİYYƏT


"Kino terminlərinin izahlı lüğəti" kitabı çapdan çıxıb

Bakı, 27 iyul, AZƏRTAC

"Kino terminlərinin izahlı lüğəti" adlı yeni kitab işıq üzü görüb. Sənətşünaslıq üzrə fəlsəfə doktoru, kinoşünas Əlisəfdər Hüseynovun tərtib etdiyi yeni terminologiya kitabı "Elm və təhsil" nəşriyyatında çapdan çıxıb.

C.Cabbarlı adına "Azərbaycanfilm" kinostudiyasından AZƏRTAC-a bildiriblər ki, kinostudiyanın dəstəyi ilə işıq üzü görən nəşrin redaktoru Müşfiq Hətəmov, rəyçisi sənətşünaslıq üzrə fəlsəfə doktoru, dosent Vidadi Qafarovdur.

Kitabda müasir kino leksikonuna daxil olan 250-dən çox geniş yayılmış ümumişlək terminin izahı verilib, bir çox anlayışlar müasir baxımdan şərh edilib.

Lüğət kinematoqrafiya sahəsində çalışan mütəxəssislər, kinoşünaslar, kino sənəti üzrə təhsil alan tələbələr, habelə ekran yaradıcılığının nəzəri-estetik problemləri ilə maraqlanan şəxslər üçün nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.