İDMAN


"Mançester Siti" klubu tarixində 7-ci dəfə İngiltərə çempionu olub

Bakı, 12 may, Nicat Məmmədov, AZƏRTAC

Futbol üzrə İngiltərə Premyer Liqasının 2020-2021-ci il mövsümünün qalibi müəyyənləşib.

AZƏRTAC xəbər verir ki, hazırda turnir cədvəlində ikinci yerdə qərarlaşan "Mançester Yunayted" klubunun “Lester Siti”ə 1:2 hesabı ilə məğlubiyyətindən sonra məlum olub.

Xosep Qvardiolanın yetirmələri "Mançester Yunayted"i 10 xalla qabaqlayırlar. Komandalar çempionatda üç matç keçirəcəklər. Beləliklə, "Mançester Siti" yeddinci dəfə İngiltərə çempionu olub. 2016-cı ildən komandanın baş məşqçisi işləyən Qvardiola “Mançester Siti”ni üçüncü dəfə turnir cədvəlində birinci yerə yüksəldib. Daha əvvəl "Mançester Siti" ispan mütəxəssisin rəhbərliyi altında 2017-2018-ci və 2018-2019-cu il mövsümlərində də ölkə birincisi olub.

Qeyd edək ki, ötən mövsümdə çempionluq titulunu "Liverpul" qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.