DÜNYA


"Porsche" şirkəti "Panamera" modelindən 42 min avtomobili geri çağırır

Pekin, 9 iyun, AZƏRTAC

Almaniyanın məşhur idman avtomobili istehsalçısı "Porsche" Çin bazarında satdığı 42 min avtomobili potensial yanğın riski ilə əlaqədar geri çağırır.

AZƏRTAC xəbər verir ki, Çinin Bazar Tənzimlənməsi üzrə Dövlət Administrasiyası belə bir qərar qəbul edib. Qərara əsasən, oktyabrın 7-dən başlayaraq 2010-2016-cı illərdə istehsal olunmuş "Panamera" modelindən avtomobillər geri çağırılacaq. "Porsche"in Çindəki filialı həmin avtomobilləri yoxlayaraq nasaz hissələri öz hesabına dəyişəcək.

Qeyd edək ki, administrasiyanın mütəxəssisləri həmin avtomobillərin hava kondisionerlərinin ventilyatorlarındakı nasazlığın yanğına səbəb olacağını düşünürlər.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.